Лінкі ўнівэрсальнага доступу

Прэзыдэнт ЗША прыгразіў зусім спыніць фінансаваньне Сусьветнай арганізацыі здароўя і выйсьці зь яе


Дональд Трамп

Прэзыдэнт Злучаных Штатаў Амэрыкі Дональд Трамп апублікаваў 19 траўня ў Twitter фота ліста, які ён накіраваў кіраўніку Сусьветнай арганізацыі здароўя (WHO) Тэдрасу Аданому Гебрэесусу. У лісьце Трамп даў арганізацыі 30 дзён на «асноўныя істотныя зьмены».

Каранавірус у Беларусі і ў сьвеце. Як разьвіваюцца падзеі >>

Месяц таму Трамп даручыў адміністрацыі прыпыніць унёскі ЗША ў WHO, бо тая не рэагавала на пандэмію каранавірусу — «ня справілася са сваім асноўным абавязкам і павінна несьці адказнасьць». Трамп таксама крытыкаваў WHO, якая стала на бок Кітаю, калі ЗША ўвялі абмежаваньні на авіязносіны з гэтай краінай, і высока ацаніла «адкрытасьць» Кітаю. Паводле Трампа, ЗША спынялі фінансаваньне WHO да аналізу арганізацыі, які меў заняць ад 60 да 90 дзён.

У цяперашнім лісьце Трамп прыгразіў канчаткова спыніць амэрыканскую фінансавую падтрымку WHO, калі яна не зоймецца «значнымі істотнымі паляпшэньнямі» цягам 30 дзён. Трамп таксама заявіў, што ЗША перагледзяць свой удзел у WHO. У лісьце гаворыцца, што адзіны шлях наперад заключаецца ў тым, каб WHO змагла прадэманстраваць незалежнасьць ад Кітаю.

Ліст на чатырох старонках абвінавачвае WHO у ігнараваньні надзейных паведамленьняў пра тое, што новы каранавірус распаўсюджваўся ў кітайскім Ухані ў пачатку сьнежня і ў «груба недакладных альбо падманных» заявах пра каранавірус.

Трамп раней пісаў, што разглядае таксама варыянт, у якім ЗША зноў пачнуць фінансаваць WHO, аднак у памеры ўсяго 10% ад сваіх ранейшых унёскаў. 18 траўня кіроўны орган WHO абавязаўся правесьці незалежную ацэнку таго, як ён кіраваў міжнароднай рэакцыяй на ўспышку.

Што трэба ведаць пра новы каранавірус з Кітаю

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.

  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​


Найважнейшыя пытаньні і адказы пра каранавірус

Як зьмяняецца колькасьць хворых у Беларусі і суседніх краінах. Толькі графікі

Беларускія мэдыкі, якія загінулі падчас пандэміі COVID-19. СЬПІС ПАМЯЦІ

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG