Пракуратура Ленінградзкай вобласьці абскардзіла рашэньне мясцовага абласнога суду, дзякуючы якому вызвалілі асуджанага ў Віцебску сьвятара Мікалая Кірэева.
Як нагадваюць «Народныя навіны Віцебска», 47-гадовы бацюшка спрабаваў вывезьці беларускіх дзяўчат у Расею для занятку прастытуцыяй.
Новае рашэньне наконт Кірэева будзе прынятае Касацыйным судом агульнай юрысдыкцыі, справа туды ўжо паступіла.
Сьвятар з Усяволаскага раёну Ленінградзкай вобласьці быў асуджаны судом Чыгуначнага раёну Віцебску на 5,5 года пазбаўленьня волі за спробу вывезці зь Беларусі ў Санкт-Пецярбург дзьвюх дзяўчат для заняткаў прастытуцыяй.
Аднак празь некаторы час пасьля таго, як Кірэева на ягонае хадайніцтва пераправілі адбываць тэрмін у расейскую калёнію, сьвятара-сутэнэра нечакана вызвалілі.