Лінкі ўнівэрсальнага доступу

Запіс стрыму #БНР102 удалося апублікаваць, хоць жывая трансьляцыя сарвалася


Арганізатары інтэрнэт-канцэрту «Годны Дзень Волі» — 102-й гадавіны незалежнасьці Беларускай Народнай Рэспублікі — не змаглі правесьці 25 сакавіка жывую трансьляцыю, але пад канец дня апублікавалі поўны запіс канцэрту.

Жывую трансьляцыю спрабавалі запусьціць некалькі разоў, але стрым абрываўся. Адзін з арганізатараў, блогер Эдуард Пальчыс, тлумачыў гэта тым, што «ў гэты ж момант інтэрнэт падаў да нуля», «перадаваў прывітаньне беларускім правайдэрам і спэцслужбам».

На інтэрнэт-канцэрце выступілі Зьміцер Вайцюшкевіч, Akute, Пятро Клюеў, Лера Яскевіч і гурт :B:N:, а таксама шматлікія госьці ў студыі і дыстанцыйных уключэньнях.

На 25 сакавіка першапачаткова плянаваўся жывыя мітынгі-канцэрты ў Менску і Горадні, ды акцыі адмянілі праз пандэмію каранавірусу.

У той жа дзень уласны інтэрнэт-канцэрт даў сьпявак Лявон Вольскі, які выканаў песьні гуртоў «Мроя», N.R.M., Zet і праекту Volski.

Свой стрым вяла і Свабода — зь Менску і Прагі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG