Лінкі ўнівэрсальнага доступу

Каранавірус: першая сьмерць у Польшчы. Што робіцца ў суседзяў Беларусі 12 сакавіка


Дэзынфэкцыя школ у Кіеве

У краінах Усходняй Эўропы колькасьць зафіксаваных выпадкаў каранавірусу абмяжоўваецца дзясяткамі ці нават адзінкамі хворых. Аднак некаторыя суседнія зь Беларусьсю краіны ўжо абвясьцілі надзвычайнае становішча, каб абмежаваць пашырэньне вірусу.

Польшча

  • Колькасьць выпадкаў — 51
  • 1 пацыентка памерла
  • Рыхтуецца абвяшчэньне стану эпідэмічнай пагрозы
  • Уведзены санітарны кантроль на ўсіх межах
  • Адмененыя ўсе масавыя мерапрыемствы
  • Матчы футбольнага чэмпіянату праходзяць пры пустых трыбунах
  • Ад панядзелка 16 сакавіка зачыняцца ўсе навучальныя ўстановы — ад дзіцячых садкоў да ўнівэрсытэтаў
  • Ад чацьвярга 12 сакавіка зачыняюцца ўстановы культуры — кіно, тэатры, філярмоніі і музэі

Латвія

  • Колькасьць выпадкаў — 10
  • Урад увёў стан надзвычайнай сытуацыі
  • Да 14 красавіка закрытыя ўсе навучальныя ўстановы
  • На 4 тыдні адмененыя ўсе масавыя мерапрыемствы з удзелам больш чым 200 чалавек
  • МЗС рэкамэндуе грамадзянам не выяжджаць за межы краіны

Літва

  • Колькасьць выпадкаў — 3
  • МЗС раіць грамадзянам Літвы адмовіцца ад усіх паездак за мяжу
  • Да 27 сакавіка адменены ўсе мерапрыемствы ў закрытых памяшканьнях з удзелам больш чым 100 чалавек
  • Спартовыя спаборніцтвы адбываюцца без гледачоў
  • На 2 тыдні спыняецца навучаньне ва ўсіх навучальных установах (у Вільні — на 5 тыдняў)

Украіна

  • Колькасьць выпадкаў — 3
  • У краіне абвешчаны карантын ад 12 сакавіка да 3 красавіка:
  • Забаронена наведаньне вучнямі навучальных установаў
  • Забаронена правядзеньне масавых мерапрыемстваў з удзелам больш за 200 чалавек ( у Кіеве — 60 чалавек)

Расея

  • Колькасьць выпадкаў — 28
  • У Маскве на месяц увялі забароны на масавыя мерапрыемствы (больш за 5 000 чалавек)

Чэхія

  • Колькасьць выпадкаў — 64
  • У краіне абвешчана надзвычайнае становішча
  • Уведзены кантроль на мяжы зь Нямеччынай і Аўстрыяй
  • Забаронены ўезд замежнікаў з краінаў рызыкі
  • Закрыты школы
  • Забароненыя мерапрыемствы з колькасьцю ўдзельнікаў больш за 30
  • Ад 20.00 да 6.00 будуць зачыненыя рэстараны
  • Цалкам закрытыя спартовыя аб’екты, фітнэс-залы, басэйны, салярыі, саўны, музычныя клюбы, бібліятэкі і галерэі

Што трэба ведаць пра новы каранавірус COVID-19

  • УЖЫВУЮ Каранавірус у Беларусі і ў сьвеце. Як разьвіваюцца падзеі
  • Невядомы раней вірус выявілі ў кітайскім горадзе Ўхань у сьнежні 2019 году.
  • Афіцыйнай назвай хваробы ад новага каранавірусу з Кітаю стала COVID-19 (coronavirus disease).
  • Сусьветная арганізацыя здароўя рэкамэндуе трымацца далей ад людзей, якія чхаюць і кашляюць, добра мыць рукі, ня есьці дрэнна апрацаванае (недасмажанае або недаваранае) мяса, абмежаваць сацыяльныя кантакты.
  • Сусьветная арганізацыя здароўя абвясьціла распаўсюд каранавіруснай інфэкцыі COVID-19 у сьвеце пандэміяй.
  • Праявы каранавірусу падобныя да іншых вострых вірусных захворваньняў. Ён суправаджаецца павышанай тэмпэратурай, ліхаманкай і цяжкасьцямі дыханьня, у хворага могуць зьяўляцца кашаль, млявасьць, пагаршэньне агульнага стану; можа выклікаць бранхіт і пнэўманію.
  • Проста чханьне — не сымптом каранавірусу.
  • Каранавірусы — сямейства з больш як 30 вірусаў, якія былі ўпершыню выдзеленыя ў 1965 годзе. Паражаюць людзей, свойскіх жывёлаў, сьвіней, буйную рагатую жывёлу, птушак і здольныя правакаваць пашкоджаньне дыхальнай сыстэмы, страўнікава-кішачнага тракту, нэрвовай сыстэмы. Вядома, што інфэкцыя перадаецца ад чалавека да чалавека. Сярод сымптомаў — гарачка, кашаль і цяжкае дыханьне. Паколькі гэтыя сымптомы падобныя да многіх іншых рэсьпіратарных захворваньняў, неабходны дадатковы скрынінг. ​

24 новыя адказы пра каранавірус ад Сусьветнай арганізацыі здароўя, мэдычных аўтарытэтаў і з найлепшай практыкі

Колькі чалавек з каранавірусам памерлі ў Беларусі

На 5 красавіка Міністэрства аховы здарўя пацьвердзіла 562 выпадкі каранавірусу і 8 сьмерцяў. Вось вядомыя на гэты час ахвяры:

  1. 73-гадовая пэнсыянэрка Аляксандра Чэпік, памерла ўвечары 30 сакавіка ў Віцебскім абласным клінічным спэцыялізаваным цэнтры (ВАКСЦ, былы чыгуначны шпіталь).​
  2. 75-гадовы актор Драматычнага тэатра імя Якуба Коласа Віктар Дашкевіч, памёр у ноч з 30 на 31 сакавіка ў ВАКСЦ.
  3. 70-гадовая настаўніца зь вёскі Новыя Доктаравічы (Менская вобласьць) Натальля А., памерла 1 красавіка ў Капыльскай цэнтральнай раённай бальніцы.
  4. 70-гадовы вайсковы пэнсіянэр Уладзімер Сідараў, памёр 2 красавіка ў ВАКСЦ.​
  5. 67-гадовая Вольга Дзеравянка, памерла 1 красавіка ў 2-й гарадзкой клінічнай лякарні Менску.
  6. 60-гадовы мянчук памёр у сталічным інфэкцыйным шпіталі 3 красавіка.
  7. 4 красавіка o менскай інфэкцыйнай бальніцы памёр 69-гадовы былы супрацоўнік Нацыянальнага банку Юры Осіпаў. У яго была пнэўманія, выкліканая вірусам COVID-19.
  8. У Віцебску яшчэ 28 сакавіка памерла работніца фабрыкі «Чырвоны Кастрычнік» Галіна Шастоўская. Ёй было 54 гады. Дачка жанчыны распавяла tut.by, што яе мама «літаральна за пяць дзён згарэла ад пнэўманіі», у яе «быў пацьверджаны каранавірус».

Пашырэньне каранавірусу ў сьвеце. Гадзіна за гадзінай

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG