Лінкі ўнівэрсальнага доступу

У Італіі праз каранавірус закрываюць усе школы і ўнівэрсытэты


На вуліцы ў Міляне, 4 сакавіка 2020

Улады Італіі пацьвердзілі інфармацыю ў СМІ, што ў краіне на 10 дзён зачыняюцца ўсе мясцовыя школы і унівэрсытэты — у сувязі з успышкай новага каранавірусу, ахвярамі якога там сталі ўжо 107 чалавек.

Меры, накіраваныя на тое, каб стрымаць эпідэмію, абмяркоўваліся ў сераду на нарадзе італьянскага ўраду.

Раней у Італіі былі зачыненыя школы і ВНУ ў найбольш пацярпелых, паўночных рэгіёнах. Там таксама дзейнічаюць строгія карантынныя меры ў шэрагу гарадоў.

Паводле дадзеных Сусьветнай арганізацыі аховы здароўя (СААЗ), Італія цяпер — адна з найбольш эпідэміялягічна праблемных краін — нароўні з Паўднёвай Карэяй і Іранам. Агульная колькасьць пацьверджаных выпадкаў заражэньня на італьянскай тэрыторыі набліжаецца да 3100.

У цэлым у сьвеце ад новага каранавірусу памерлі каля 3200 чалавек, заражаныя — больш за 90 тысяч. Большасьць выпадкаў у Кітаі, адкуль у сьнежні пачалося распаўсюджваньне хваробы.

СААЗ пакуль не аб’яўляе пандэмію, але як было заяўлена ў сераду, сытуацыя разьвіваецца вельмі хутка, і ўжо відавочна, што свайго піка распаўсюд хваробы яшчэ не дасягнуў.

Пра пацьверджаныя выпадкі захворваньня на каранавірусную інфекцыю COVID-19 паведамілі ўлады 81 краіны. У сераду стала вядома, што стваральнікі новага фільму пра Джэймса Бонда «Ня час паміраць» перанесьлі прэм’еру карціны з красавіка на канец лістапада ў сувязі з каранавірусам.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG