Лінкі ўнівэрсальнага доступу

Кітай забараніў аўтамабілі ў 60-мільённай правінцыі праз каранавірус


Ухань, 3 лютага, ілюстрацыйнае фота

Кітай узмацніў абмежаваньні на рух у Хубэі ў рамках барацьбы з каранавірусам. Гэты рэгіён стаў эпіцэнтрам распаўсюджаньня інфэкцыі.

Шасьцідзесяці мільёнам жыхароў правінцыі загадалі заставацца дома і пакідаць жытло толькі ў выпадку надзвычайнай сытуацыі, паведамляе BBC.

Усяму насельніцтву правінцыі забаранілі карыстацца прыватнымі аўтамабілямі.

Выключэньне — для аўтамабіляў дастаўкі прадукцыі. І аднаму чалавеку ад сям'і будзе дазволена выходзіць па харчы раз на тры дні.

Хубэй і Ўхань былі найбольш пацярпелі ад успышкі эпідэміі, якая на сёньня забрала 1665 жыцьцяў у Кітаі.

Але трэці дзень запар Кітай абвяшчае пра зьніжэньне колькасьці новых выпадкаў і ўлады заяўляюць, што кантралююць распаўсюджаньне хваробы.

У нядзелю ўлады паведамілі пра 2089 новых выпадкаў, што меней у параўнаньні з 2641 у суботу і 5090 у пятніцу.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG