Лінкі ўнівэрсальнага доступу

Каранавірус: пачалася эвакуацыя амэрыканцаў з Diamond Princess


Diamond Princess уваходзіць у порт Ёкагамы, 6 лютага 2020

У порце Ёкагама праводзіцца эвакуацыя больш за 400 грамадзянаў ЗША, якія знаходзіліся да цяперашняга часу на борце круізнага ляйнэра Diamond Princess ва ўмовах строгага карантыну з прычыны верагоднасьці іх заражэньня каранавірусам.

На адмыслова абсталяваных аўтобусах эвакуяваныя пасажыры будуць дастаўленыя да самалёта, які перавязе іх у ЗША, паведамляе CNN. Падарожнікаў чакае яшчэ адзін карантын — ужо пад наглядам амэрыканскіх лекараў у стацыянарных умовах.

Першая эвакуацыя пасажыраў круізнага ляйнэра праходзіць ва ўмовах, калі на борце Diamond Princess расьце колькасьць заражаных. На цеплаходзе застаюцца больш за 3 тысячы чалавек — каля дзьвюх тысяч пасажыраў і тысяча маракоў і пэрсаналу абслугі.

Самалёт «Боінг-747» транспартнай мадыфікацыі ня мае звычайных для авіяпасажыраў умоваў, таму пацыентаў чакае ня самы камфортны пералёт у ЗША. Яны павінны ўзяць з сабой з круізнага цеплахода запас ежы. Арганізатары пералёту папярэдзілі, што ў самалёце можа не выконвацца звычайны для пасажырскіх рэйсаў тэмпэратурны рэжым.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG