Лінкі ўнівэрсальнага доступу

У Санкт-Пецярбургу затрымалі ўдзельнікаў пікетаў супраць паправак у Канстытуцыю. ФОТА, ВІДЭА


Супрацоўнікі АМАПу затрымліваюць актывістку Марыну Кен, 15 лютага 2020 году.

У Санкт-Пецярбургу 15 лютага на акцыі супраць унясеньня зьменаў у Канстытуцыю затрыманыя актывіст «АгитРоссии» Павел Іванкін і ягоны паплечнік Дзьмітрый Нягодзін. Колькасьць затрыманых за апошнія гадзіны павялічылася да 15, паведаміла «Фонтанка».

Супрацоўнікі паліцыі і Расгвардыі затрымлівалі ўдзельнікаў сэрыі адзіночных пікетаў у Санкт-Пецярбургу супраць унясеньня паправак у Канстытуцыю, акцыя праходзіла ў цэнтры гораду каля Маскоўскага вакзалу, перадае карэспандэнт сайту «Север. Реалии».

Актывіст Яўген Мусін быў затрыманы перш чым пасьпеў дастаць плякат. Быў затрыманы і Асан Мумджы, які раздаваў стужкі з надпісам «Свабода палітвязьням».

На месцы знаходзіліся каля 20 супрацоўнікаў АМАП і прыкладна 40 удзельнікаў пікетнай чаргі. Людзі дасталі плякаты, паліцыя папярэджвала праз мэгафон, што яны павінны разысьціся.

Паліцыянты заклікалі грамадзян не паддавацца на правакацыі і ня ўдзельнічаць у няўзгодненым мерапрыемстве. Адзіночныя пікеты ў Расеі не патрабуюць ўзгадненьня з уладамі.

  • Прэзыдэнт Расеі Ўладзімір Пуцін унёс папраўкі ў Канстытуцыю на разгляд Дзяржаўнай думы ў студзені. Яны прайшлі першае чытаньне, пасьля чаго рабочая група пачала прапаноўваць свае папраўкі. Прапановы пераразьмяркоўваюць балянс паміж органамі ўлады, уводзяць Дзяржаўную раду як новы орган кіраваньня, усталёўваюць абавязковую індэксацыю пэнсій і прыярытэт расейскай Канстытуцыі над міжнародным правам.
  • У кастрычніку 2017 годзе ФСБ распачала крымінальную справу аб тэрарыстычнай супольнасьці «Сетка». Паводле вэрсіі сьледзтва, 11 чалавек зь Пензы, Санкт-Пецярбургу і Масквы стварылі сетку ячэек з мэтай правядзеньня тэрактаў і зьвяржэньня ўлады. Па справе ўжо асуджаная вялікая частка абвінавачаных. Яны неаднаразова заяўлялі пра тое, што давалі прызнальныя паказаньні пад катаваньнямі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG