Лінкі ўнівэрсальнага доступу

Расейская паліцыя сарвала здымкі кліпу Pussy Riot на студыі «Ленфильм»


Удзельніца Pussy Riot Надзея Талаконьнікава

Паліцыянты сарвалі здымкі новага кліпу расейскага панк-гурту Pussy Riot на песьню «Бесит». Здымкі праходзілі на кінастудыі «Ленфильм».

Удзельніца Pussy Riot Надзея Талаконьнікава паведаміла, што спачатку паліцыянты зайшлі ў павільён, каб папярэдзіць групу аб недапушчальнасьці «прапаганды гомасэксуалізму і экстрэмізму», потым яны сышлі да начальства студыі «Ленфильм», а праз паўгадзіны ва ўсім будынку выключылася сьвятло.

Пасьля гэтага здымачная група арандавала генэратар, але яго не дазволілі занесьці на тэрыторыю студыі.

Талаконьнікава таксама распавяла, што яшчэ два дні таму на «Ленфильм» прыходзілі супрацоўнікі ў цывільным і раілі кіраўніцтву кінастудыі адмяніць здымкі. Але тады ім адмовілі, патлумачыўшы, што Pussy Riot заплацілі за арэнду і аформілі ўсе дакумэнты на законных падставах.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG