Лінкі ўнівэрсальнага доступу

Кітай перасьцярог, што каранавірус робіцца штораз мацнейшы

абноўлена

Мэтро ў Пэкіне, 24 студзеня 2020. Ілюстрацыйнае фота
Мэтро ў Пэкіне, 24 студзеня 2020. Ілюстрацыйнае фота

Кітайскія ўлады заявілі, што сьмяротна небясьпечны каранавірус 2019-nCoV штораз хутчэй набывае здольнасьць перадавацца ад чалавека да чалавека, таму лік заражаных будзе расьці.

Кіраўніца Нацыянальнай камісіі аховы здароўя КНР Ма Цьзяавэй сказала на прэс-канфэрэнцыі ў Пэкіне, што пра прыроду каранавіруса пакуль вядома мала і цяжка прадказаць, якія рызыкі зьвязаныя зь яго мутацыяй, паведамляе Бі-Бі-Сі.

Ма Цьзяавэй дадала, што інкубацыйны пэрыяд віруса складае ад аднаго да 14 дзён, аднак заражаныя ім могуць перадаваць яго іншым людзям нават на працягу інкубацыі.

У Кітаі, у сувязі з распаўсюджваньнем каранавіруса, у шмат якіх правінцыях былі прадоўжаныя сьвяточныя вакацыі ў гонар Новага году паводле месячнага календара, яки пачаўся 25 студзеня. Раней кітайскія навагоднія вакацыі трывалі шэсьць дзён.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG