Лінкі ўнівэрсальнага доступу

У Аўстраліі разьбіўся самалёт-пажарнік з экіпажам з ЗША


Самалёт Hercules C-130, ілюстрацыйнае фота

Трое амэрыканцаў загінулі ў катастрофе пажарнага самалёта ў Аўстраліі.

Буйны транспартны самалёт і экіпаж зьніклі на поўдні Новага Паўднёвага Уэльсу ў 5.30 раніцы паводле менскага часу, паведамляе Бі-бі-сі.

Прычына катастрофы пакуль невядомая.

Кіраўнік правінцыі Гладыс Бэрэджыклян заявіў, што самалёт пацярпеў крушэньне ў Сьнежных гарах, на поўдзень ад сталіцы Канбэры.

«Сёньня мы зноў бачым, што сэзон пажараў яшчэ далёка ня скончаны», — заявіў ён і выказаў спачуваньні родным загінулых.

Траіх чальцоў экіпажу не ідэнтыфікавалі, але чыноўнікі заявілі, што яны жыхары ЗША.

Пажарная служба штату заявіла, што экіпаж нанялі паводле кантракту для барацьбы з пажарамі ў Аўстраліі.

Вялікі самалёт для скіду вады Hercules C-130 выкарыстоўвалі, каб тушыць пажары ў рэгіёне.

Ва ўсёй краіне на фоне высокіх тэмпэратур і моцнага ветру віруе больш за 80 пажараў.

Незразумела, што стала прычынай аварыі самалёта, заявіў камісар Шэйн Фітцыманс.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG