Беларусь апярэдзіла Ўкраіну і Расею ў інфляцыі за 2019 год, але сярод рэспублік былога Савецкага Саюзу заняла шостае месца, піша БелаПАН.
За год цэны ў Беларусі павялічыліся на 4,7% — гэта амаль рэкорд. Ніжэй за гэта гадавая інфляцыя была толькі аднойчы — у 2017-м яна склала 4,6%.
Вышэйшая інфляцыя была ў наступных краінах з тэрыторыі былога СССР:
- Узбэкістан (15,2%),
- Таджыкістан (8%),
- Малдова (7,5%),
- Грузія (7%),
- Казахстан (5,4%).
Менш, чым у Беларусі, вырасьлі цэны ў гэтых краінах:
- Украіна (4,1%),
- Кіргізстан (3,1%),
- Расея (3%),
- Літва (2,7%),
- Азэрбайджан (2,3%),
- Латвія (2,3%),
- Эстонія (1,8%),
- Армэнія (на 0,7%).
У Туркмэністане зьвесткі не апублікаваныя.
У 2018 годзе Беларусь заняла 4-е месца ў росьце спажывецкіх цэнаў на тэрыторыі былога СССР (5,6%), у 2017-м — 9-е (4,6%), у 2016-м — 3-е (10,6%).
