Лінкі ўнівэрсальнага доступу

Пяскоў ня чуў пра намер даць рэгіёнам Украіны і Беларусі права далучацца да Расеі


Дзьмітрый Пяскоў

Ідэя прапісаць у папраўках у расейскую Канстытуцыю права рэгіёнаў Украіны і Беларусі далучыцца да РФ не абмяркоўваецца, паведамляе ТАСС.

Пра гэта заявіў прэс-сакратар прэзыдэнта Расеі Дзьмітрый Пяскоў, камэнтуючы інфармацыю, якая зьявілася ў шэрагу СМІ, што адзін з удзельнікаў рабочай групы падрыхтоўкі паправак у Канстытуцыю РФ нібыта прапанаваў прадугледзець такое права.

«Я ня чуў пра гэтыя прапановы, таму нічога не магу сказаць. Я ня чуў, як гэта фармулюецца. У цэлым гэта ніяк нідзе не абмяркоўвалася да гэтага часу. Я ўпершыню чую пра гэта», — сказаў Пяскоў.

Уладзімір Пуцін 20 студзеня ўнёс у Дзяржаўную думу праект закону аб канстытуцыйных папраўках.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG