Лінкі ўнівэрсальнага доступу

Тэгеран: арыштавалі сьведку, які зьняў, як зьбілі ўкраінскі «Боінг»


Месца падзеньня самалёта, Іран

Іран арыштаваў чалавека, які зьяўляецца аўтарам відэазапісу, які паказвае момант выпадковага зьбіцьця ўкраінскага «Боінга» іранскай арміяй, паведамляе BBC.

Самалёт разьбіўся 8 студзеня, адразу пасьля ўзьлёту з аэрапорта Тэгеран.

Іран першапачаткова сьцьвярджаў, што катастрофа стала вынікам адмовы рухавіка, але 11 студзеня – у тым ліку пасьля зьяўленьня запісаў, якія паказваюць зьбіцьцё самалёта – улады Ірана прызналі, што «Боінг» быў выпадкова зьбіты.

Аўтара затрымалі за нанясеньне шкоды нацыянальнай бясьпецы, сьцьвярджае Тэгеран.

Але іранскі журналіст зь Лёндану, які першапачаткова разьмясьціў кадры, настойвае на тым, што яго крыніца ў бясьпецы і што ўлады Ірану арыштавалі няправільную асобу.

Крушэньне ўкраінскага самалёту ў Іране. Што трэба ведаць

  • Самалёт Boeing 737-800 NG (рэйс PS752, рэгістрацыйны нумар UR-PSR) вылецеў каля 6:10 8 студзеня маршрутам Тэгеран — Кіеў, зьнік з радараў празь некалькі хвілінаў пасьля ўзьлёту.
  • Усе на борце загінулі. На борце было 167 пасажыраў, а таксама 9 чальцоў экіпажу. Авіякампанія МАУ апублікавала сьпісы загінулых пасажыраў і чальцоў экіпажу.
  • Сярод загінулых у катастрофе было найбольш грамадзян Ірану (82 чалавекі) і Канады (63 чалавекі), а таксама 11 грамадзян Украіны (2 пасажыры і 9 чальцоў экіпажу), 10 грамадзян Швэцыі, 4 — Аўганістану, 3 — Нямеччыны і 3 — Вялікай Брытаніі, паведаміў міністар замежных спраў Украіны Вадзім Прыстайка.
  • Самалёт быў выраблены ў 2016 годзе, атрыманы МАУ непасрэдна з заводу Boeing, апошні раз прайшоў плянавае тэхнічнае абслугоўваньне 6 студзеня 2020 году. МАУ заяўляе, што гарантуе спраўнасьць сваіх самалётаў і высокую кваліфікацыю пілётаў.
  • Паводле першай рэакцыі іранскага боку, самалёт разьбіўся з тэхнічных прычынаў, якія прывялі да аварыі рухавіка.
  • 11 студзеня, праз 3 дні пасьля катастрофы, прэзыдэнт Ірана Хасан Роўхані прызнаў, што іранскія вайскоўцы па памылцы зьбілі пасажырскі Boeing 737 «Міжнародных авіяліній Украіны». Ён распарадзіўся знайсьці вінаватых у гэтай трагедыі.
  • Камандуючы ваенна-касьмічнымі сіламі Ірана Амір Алі Хаджызадэ паведаміў, што апэратар супрацьпаветранай абароны Ірану самастойна вырашыў выпусьціць крылатую ракету па самалёце, ня здолеўшы звязацца з камандаваньнем.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG