Лінкі ўнівэрсальнага доступу

«Людзі Cвабоды – 2019» — «Маці 328» і ўсе тыя, хто змагаецца за правы зьняволеных паводле антынаркатычнага артыкулу


Прадстаўнікі руху «Маці 328» (зьлева направа) Алена Кузьміна, Ала Берналь, Ларыса Жыгар, Алег Калінкоў і кіраўнік менскага бюро Радыё Свабода Валянцін Жданко

«Маці 328» і ўсе тыя, хто змагаецца за правы зьняволеных паводле антынаркатычнага артыкулу, сталі ляўрэатамі прэміі «Людзі Cвабоды – 2019».

Беларуская служба Радыё Свабода штогод уручае гэтую ўзнагароду тым, хто пашырае межы свабоды для сябе, Беларусі, сьвету.

Папярэднія ляўрэаты:

За чатыры гады рух «Маці 328» разросься ў некалькі асобных арганізацый і цяпер дзейнічае па ўсёй Беларусі.

«Цяпер гэта ўжо вялікі рух, — сказала, атрымліваючы прэмію, адна зь яго пачынальнікаў Ларыса Жыгар. — У ім шмат „адросткаў“ — і „Дзеці 328“, і „Пікет 328“ і „Маці па 4-й частцы“, і самастойная арганізацыя „Наша права“, якая таксама пачыналася з нашага руху. Усім гэтым маці вялізны „дзякуй“ і нізкі паклон».

Ларыса Жыгар
Ларыса Жыгар

Ларыса Жыгар падзякавала таксама і журналістам, якія асьвятлялі іх змаганьне, у тым ліку журналістам Радыё Свабода.

«Змаганьне яшчэ ня скончанае», — дадала яна.

«Людзі Свабоды» 2019 году — рух «Маці 328»
пачакайце

No media source currently available

0:00 0:02:27 0:00

Сёлета асуджаныя паводле сумна вядомага 328-га артыкулу сталі вяртацца дахаты. Вярнуліся і сыны Ларысы Жыгар і Тацьцяны Канеўскай — жанчын, якія сталі сымбалямі мацярынскага змаганьня за справядлівасьць для сваіх дзяцей.

Што варта ведаць пра ініцыятыву «Маці 328»

  • Абʼядноўвае 1,5 тысячы бацькоў дзяцей, асуджаных за наркотыкі.
  • Грамадзкую арганізацыю «Маці-328» не дазваляюць зарэгістраваць.
  • Напісалі звыш 3 тысяч зваротаў у Палату прадстаўнікоў, дамагліся сустрэчы з колішняй кіраўніцай Адміністрацыі прэзыдэнта Натальляй Качанавай, міністрам унутраных справаў Юрыем Караевым.
  • Зьвярнулі ўвагу, што пішуць у абвінавачваньні іхных дзяцей: «у нявызначаны час, у нявызначаным месцы, нявызначанай асобай; мяркуецца, з мэтай збыту».
  • Ладзілі масавыя галадоўкі дзеля зьменаў.
  • Ажыцьцявілі паломніцкі тур па калёніях з іконай Маці Божай, якую ім падаравалі на гары Афон, ад Менску да Марʼінай Горкі.

Чаго дамагліся «Маці 328»

  • Сёлета ў Беларусі на два гады зьменшылі ніжэйшы парог тэрміну, на які можна пасадзіць за наркотыкі (раней — 8 гадоў, цяпер — 6).
  • Дзякуючы гэтаму ўжо асуджаным, якія абскарджваюць свае выракі, скарачаюць тэрміны.
  • У калёніях асуджаным паводле 328-га артыкулу замянілі зялёныя нашыўкі на робе зь імем і нумарам атраду на звычайныя белыя, як ва ўсіх. Зялёныя нашыўкі зьявіліся ў 2015 годзе, імі адзначалі «наркаманаў». Бацькі іх параўноўвалі з «зоркамі Давіда», якія мусілі насіць габрэі падчас апошняй вайны.
  • Рух «Маці 328» працягне працу, хоць многіх асуджаных ужо вызвалілі.
Актывісткі і прыхільнікі руху «Маці 328» на мітынгу ў Менску, траевнь 2019
Актывісткі і прыхільнікі руху «Маці 328» на мітынгу ў Менску, траевнь 2019

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG