Лінкі ўнівэрсальнага доступу

У Kolobike закрылі сэзон і расказалі, колькі паездак зрабілі карыстальнікі


Шэрынг ровараў і самакатаў Kolobike 26 лістапада афіцыйна закрыў сэзон у Менску і Берасьці. Кампанія расказала, хто найчасьцей арандаваў іхні транспарт.

За першы сэзон, сэрвісам Kolobike скарысталіся 240 тысяч чалавек. Кожны карыстальнік у сярэднім зрабіў больш за 4 паездкі. Байкшэрынг быў аднолькава папулярны сярод мужчынаў і жанчынаў.

Найчасьцей сэрвісам карысталіся пасьля 20:00. Ровары і самакаты найчасьцей бралі ў арэнду ў Ленінскім раёне Менску, там жа транспарт найчасьцей псавалі. Усяго за вандалізм завялі 17 крымінальных спраў.

Кожны ровар каштаваў Kolobike 370 даляраў. Каля 30 ровараў штодня праходзілі тэхнічны агляд. У парку кампаніі:

  • 3000 ровараў;
  • 250 самакатаў.

Распрацоўка аплікацый для арэнды транспарту каштавала 60 000 даляраў. Сэрвіс плянуе акупіцца яшчэ праз 2 сэзоны.

Новы сэзон Kolobike плянуе пачаць у сярэдзіне красавіка 2020 году, калі дазволіць надворʼе. Акрамя Берасьця сэрвіс плянуе пачаць працаваць у іншых абласных цэнтрах Беларусі. Kolobike плянуе зьменшыць кошт паездкі, а таксама ўвесьці сыстэму штрафаў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG