Прэзыдэнт Расеі Ўладзімір Пуцін заклікаў не лічыць расейскую мову зброяй, а расцэньваць яе як інструмэнт мяккай сілы. Пра гэта ён заявіў на пасяджэньні Рады пры прэзыдэнце РФ па расейскай мове.
Пуцін сказаў пра гэта ў якасьці рэплікі свайму дарадцу Ўладзіміру Талстому, які назвай рускую мову зброяй.
«Давайце не будзем ужываць такіх слоў, — заявіў Пуцін. — Калі гэта зброя, зь ёй пачнуць змагацца, як са зброяй. Так, гэта ў пэўнай ступені сіла, такая мяккая сіла, і гэтага, мне здаецца, цалкам дастаткова».
Пуцін выказаў упэўненасьць, што «цікавасьць да расейскай мовы будзе ўзрастаць па меры росту дабрабыту і росту яе ўплыву. А калі краіна будзе магутнай і прывабнай — будуць вучыць расейскую мову», — сказаў на заканчэньне Пуцін.
