Лінкі ўнівэрсальнага доступу

Сёньня пачаўся суд у справе аб ДТЗ з 5 ахвярамі ля Белаазёрску


Дарога зь лецішча, па якой ехала кампанія, ілюстрацыйнае фота

Кіроўцу абвінавачваюць у парушэньні правілаў дарожнага руху, якое стала прычынай сьмерці дзьвюх і больш асобаў. Артыкул КК прадугледжвае пакараньне ў выглядзе пазбаўленьня волі ад 4 да 10 гадоў.

Здарэньне, у выніку якога загінулі пяць чалавек, у тым ліку трое непаўналетніх, адбылося ў Белаазёрску 7 ліпеня. Усяго ў аўтамабілі «Мэрсэдэс GL» знаходзілася 10 асобаў.

Паводле папярэдняй вэрсіі, кіроўца аўтамабіля ня справіўся з кіраваньнем і перакуліўся ў мэліярацыйны канал. У машыне было пяць мужчын, дзьве жанчыны і трое дзяцей. Мужчына, жанчына, 4-гадовая дзяўчынка і 9-гадовы хлопчык загінулі на месцы. Цела 9-гадовай дзяўчынкі знайшлі пазьней.

Пяцёра дарослых, у тым ліку кіроўца, выбраліся з каналу. Паводле МУС, кіроўца 1988 году нараджэньня быў п'яны. У 2009 годзе яго пазбаўлялі правоў за кіраваньне ў нецьвярозым стане.

Да аварыі ў Беларусі была вялікая ўвага. На пахаваньне ахяраў выйшлі тысячы людзей — трагедыя моцна закранула амаль кожнага жыхара 12-тысячнага гораду.

Справу разглядае Бярозаўскі раённы суд. Свабода будзе весьці рэпартаж з залі паседжаньняў.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG