Фармаваньнем новага ўраду пасьля выбараў у парлямэнт Ізраілю зоймецца дзейны прэм’ер-міністар і лідэр партыі «Лікуд» Біньямін Нэтаньягу. Адпаведнае рашэньне прыняў прэзыдэнт Рэўвэн Рыўлін пасьля кансультацыяў з парлямэнцкімі фракцыямі.
Падчас свайго выступу перад прэсай Рыўлін заявіў, што ў Нэтаньягу больш шанцаў на фармаваньне кабінэту міністраў, чым у другога прэтэндэнта — лідэра блёка «Кахоль-Лаван» Бэні Ганц. Прэзыдэнт адзначыў, што партыі павінны ісьці на кампраміс.
У Нэтаньягу ёсьць 28 дзён на фармаваньне ўраду. У выпадку недахопу часу ён можа прасіць аб прадаўжэньні тэрміну на два тыдні.
Выбары ў ізраільскі парлямэнт (Кнэсэт) адбыліся 17 верасьня. Партыя «Лікуд» атрымала 31 месца ў парлямэнце, «Кахоль-Лаван» — 33. Усяго ў Кнэсеце 120 месцаў.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў