Лінкі ўнівэрсальнага доступу

Суд прызначыў першыя турэмныя тэрміны ўдзельнікам маскоўскага пратэсту


Іван Падкапаеў

Цьвярскі суд Масквы прызначыў тры гады калёніі 25-гадоваму тэхніку Івану Падкапаеву па абвінавачваньні ва ўжываньні гвалту да прадстаўніка ўлады. Паводле абвінавачаньня, Падкапаеў распыліў пярцовы газ у бок супрацоўнікаў Расгвардыі падчас акцыі 27 ліпеня ў цэнтры Масквы.

Падкапаеў правёў восем сутак пад адміністрацыйным арыштам, а пасьля вызваленьня яго затрымалі як падазраванага па «маскоўскаму справе». Згодна з матэрыяламі справы, пасьля затрыманьня ў Падкапаева ў заплечніку знайшлі плякат, нож, адгазьнік, біклагу і малаток. Сам абвінавачваны казаў, што «зьмесціва заплечніка прызначана для гаспадарчых мэтаў».

«У мяне не было мэты нанесьці шкоду супрацоўнікам праваахоўных органаў. Так атрымалася, што сярод гэтых супрацоўнікаў былі мае аднагодкі, хлопцы, салдаты тэрміновай службы, якім я таксама калісьці быў. Я шчыра прашу прабачэньні перад імі, проста так атрымалася, што мы апынуліся па розныя бакі. Адзінае, што справакавала мае дзеяньні было тое, што яны ўзялі мэталічную агароджу [і пачалі ціснуць ёй] на людзей, сярод якіх былі жанчыны і пажылыя людзі», — казаў у апошнім слове сам Падкапаеў.

Той жа суд асудзіў на два гады калёніі 25-гадовага прадпрымальніка Данілу Бегляца. Яго прызналі вінаватым ва ўжываньні гвалту да паліцыянта падчас той самай акцыі 27 ліпеня за допуск незалежных кандыдатаў на выбары ў Маскоўскую гарадзкую думу. Паводле абвінавачаньня, Бяглец пацягнуў за руку паліцэйскага, які затрымліваў пратэстоўцаў. Падсудны прызнаў віну, справа разглядалася ў адмысловым парадку.

Маці абвінавачанага казала ў судзе: «Ён патрэбен сыну і дзецям вельмі. Сыну два гадкі. Я ўчора ў іх была. Ён увесь час кліча тату. Ён з дзяцінства мне шмат дапамагаў. Я рана засталася без мамы. Ён з малых гадоў усё для мяне рабіў. У мяне сыходзіць здароўе. а ён мая правая рука. ён рос без бацькі, а яго дзеці не павінны расьці бяз бацькі».

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG