Лінкі ўнівэрсальнага доступу

Трамп пацьвердзіў зацікаўленасьць у куплі Грэнляндыі


Дональд Трамп
Дональд Трамп

Прэзыдэнт ЗША Дональд Трамп заявіў, што Вашынгтон сапраўды разглядае магчымасьць набыцьця Грэнляндыі ў Даніі. Раней пра гэта пісалі СМІ са спасылкай на крыніцы. Трамп пацьвердзіў гэтую інфармацыю і дадаў, што гэтая тэма не прыярытэтная.

Прэзыдэнт ЗША заявіў, што Данія страчвае грошы, кантралюючы Грэнляндыю. Трамп ня выключыў, што можа абмеркаваць гэтае пытаньне з дацкімі ўладамі падчас свайго верагоднага візыту ў верасьні.

Прэм’ер-міністарка Даніі Мэтэ Фрэдэрыксэн назвала ідэю Трампа аб куплі дацкай аўтаноміі абсурднай. Прэм’ерка заявіла, што ня мае намеру абмяркоўваць гэтае пытаньне з прэзыдэнтам ЗША падчас сустрэчы з ім.

Улады аўтаноміі заявілі, што іх тэрыторыя не прадаецца.

Грэнляндыя — найбуйнейшы на Зямлі востраў, большая частка якога пакрытая лёдам. Насельніцтва тэрыторыі складае каля 56 тысяч чалавек. У Грэнляндыі разьмяшчаецца самая паўночная вайсковая база ЗША.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG