Па інфармацыі аўганскіх уладаў, ад выбуху тэрарыста-сьмяротніка загінулі 63 чалавекі. Яшчэ каля 200 пацярпелі.
Талібан адмаўляе сваю датычнасьць да тэракту, які сёлета стаў самай сьмяротнай атакай у Кабуле. Акурат у цяперашні час Вашынгтон і талібы знаходзяцца на заключнай стадыі пагадненьня аб спыненьні амаль 18-гадовай вайны ў Аўганістане.
Як перадае AP са спасылкай на сьведку Гула Махамада, нападнік усталяваў выбухоўку каля сцэны. Падчас выбуху ў гэтым месцы сабралася шмат дзяцей.
Агулам на вясельлі было каля тысячы чалавек.
Тэракт адбыўся ў вясельнай залі Dubai City, у той частцы Кабулу, дзе пражывае шмат шыітаў – рэлігійнай меншасьці ў Аўганістане.
