Лінкі ўнівэрсальнага доступу

У ЗША забаранілі правозіць у самалётах некаторыя ноўтбукі Apple


Ілюстрацыйнае фота. Ноўтбук MacBook Pro
Ілюстрацыйнае фота. Ноўтбук MacBook Pro

Фэдэральнае ўпраўленьне грамадзянскай авіяцыі ЗША (FAA) забараніла браць на борт самалётаў амэрыканскіх авіякампаній некаторыя мадэлі ноўтбукаў MacBook Pro кампаніі Apple, паведамляе Reuters са спасылкай на заяву FAA.

Рашэньне прынялі пасьля таго, як кампанія Apple адклікала частку 15-цалёвых ноўтбукаў, бо іхныя батарэі могуць перагравацца, што можа прывесьці да ўзгараньня.

«FAA інфармаванае аб адкліканых батарэях, якія выкарыстоўваюцца ў некаторых ноўтбуках Apple MacBook Pro», — паведамілі авіяцыйныя ўлады ЗША і зазначылі, што «папярэдзілі пра гэта авіякампаніі».

Apple абвясьціла аб адклiканьнi сваіх ноўтбукаў у чэрвені 2019 году. Гэта прылады, якія прадаваліся зь верасьня 2015-га па люты 2017 году. Кампанія папрасіла больш не выкарыстоўваць такія ноўтбукі і прапанавала бясплатна замяніць у іх батарэю.

У 2016 годзе ў некалькіх краінах таксама забаранілі карыстацца ў самалётах смартфонамі Samsung Galaxy Note 7, паколькі батарэі ў іх неаднаразова выбухалі, што прыводзіла да ўзгараньня. У ЗША гэтыя смартфоны забаранілі перавозіць у самалётах ня толькі ў ручной паклажы, але і ў багажы. У 2017 годзе Samsung скончыла расьсьледаваньне і патлумачыла, чаму яе тэлефоны загараліся.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG