Смартфоны і ноўтбукі будуць адрамантаваны за кошт вытворцы.
Карпарацыя Apple паведаміла, што выявіла шэраг тэхнічных праблем, якія ўплываюць на працу некаторых смартфонаў iPhone X і наўтбукаў MacBook Pro з дыяганальлю экрану 13 цаляў, паведамляе Голас Амэрыкі.
Паводле паведамленьня карпарацыі, у некаторых iPhone X выяўленыя праблемы з дысплэямі, якія не рэагуюць на дакрананьні, што выклікана няштатнай працай аднаго з кампанэнтаў.
У некаторых MacBook Pro, з аб’ёмам памяці ў 128 GB і 256 GB, якія прадаваліся з чэрвеня 2017 па чэрвень 2018 году, праблемы зьвязаныя з магчымасьцямі захаваньня інфармацыі на цьвёрдым дыску.
Apple паведамляе, што няякасныя смартфоны і ноўтбукі будуць адрамантаваны бясплатна.
