Лінкі ўнівэрсальнага доступу

Сілавікі затрымалі былога прэзыдэнта Кіргізстану пасьля штурму яго рэзыдэнцыі

абноўлена

Адмазбек Атамбаеў

Супрацоўнікі праваахоўных органаў Кіргізстану затрымалі былога прэзыдэнта краіны Алмазбека Атамбаева ў яго доме ў сяле Кой-Таш непадалёк ад Бішкеку.

Алмазьбек Атамбаеў узначальваў Кіргізстан з 2011 па 2017 год. Ён стаў першым прэзыдэнтам краіны, які добраахвотна пакінуў пасаду пасьля першага тэрміну, а ня быў зрынуты ў выніку рэвалюцыі.

Спэцназ Кіргізстану здолеў з другога разу ўзяць штурмам ягоную рэзідэнцыю, перадае "Інтэрфакс". Паводле агенцтва, у апэрацыі прымалі ўдзел каля 2 тысяч супрацоўнікаў МУС, у тым ліку атрад СОБР. Апэрацыяй кіраваў кіраўнік МУС Кашкар Джунушаліеў.

ТАСС, спасылаючыся на штаб Атамбаева, перадае, што былы прэзыдэнт сам выйшаў з дому і здаўся сілавікам. «Атамбаеў вывезены з тэрыторыі сваёй рэзыдэнцыі супрацоўнікамі праваахоўных органаў», — сказаў суразмоўца агенцтва.

Партал 24.kg перадае, што яго пасадзілі ў машыну і паспрабавалі вывезьці з Кой-Таша ў МУС Кыргызстана, і што зь ім у машыне знаходзяцца намесьнік старшыні Сацыял-дэмакратычнай партыі Кундуз Жалдубаева і дарадца Фарыд Ніязаў. Яны таксама затрыманыя.

Сілавікі выкарыстоўвалі сьлезацечны газ для разгону прыхільнікаў экс-прэзыдэнта. Да рэзыдэнцыі таксама прыбыла спэцтэхніка МУС, вадамёты і таран- машыны, адна зь якіх пратараніла брамы будынку.

Цяпер частка прыхільнікаў экс-прэзыдэнта адціснутая зь яго рэзыдэнцыі. Ва ўсім Кой-Ташы адключаная мабільная сувязь, дарогі ў пасёлак перакрытыя паліцыяй.

Папярэдняя спроба былі адбітая яго прыхільнікамі, у перастрэлцы загінуў супрацоўнік спэцназу, былі параненыя 52 чалавекі. На месцы знаходзіцца карэспандэнт Кіргіскай службы Радыё Свабода — Радио Азаттык.

Атамбаеў выкліканы сьведкам па крымінальнай справе аб незаконным вызваленьні з турмы крымінальнага аўтарытэта ў 2013 годзе. Перад гэтым ён быў пазбаўлены недатыкальнасьці, супраць яго завялі крымінальную справу аб карупцыі. Увечары 7 жніўня ў сяло Кой-Таш, дзе разьмешчаны дом палітыка, прыбыў спэцназ для яго затрыманьня. У ходзе апэрацыі былі ўжытыя спэцыяльныя сродкі, аднак штурм быў правалены.

Хто такі Атамбаеў і чаму яго затрымалі?

Трэцяга прэзыдэнта Кіргізстану Алмазьбека Атамбаева затрымалі 8 жніўня ў выніку 2-дзённай спэцапэрацыі. Прыхільнікі былога прэзыдэнта супраціўляліся спэцназаўцам. У выніку сутычак пацярпелі больш 80 чалавек, адзін з байцоў спэцназу загінуў.

  • У 2017 годзе пасьля сыходу Атамбаева ў адстаўку на некалькіх бліжэйшых паплечнікаў Атамбаева былі заведзены крымінальныя справы, у асноўным па абвінавачваньнях у карупцыі. Атамбаеў пасьля гэтага адкрыта перайшоў у апазыцыю да цяперашняй улады.
  • У чэрвені 2019 году Атамбаева пазбавілі недатыкальнасьці і статусу экс-прэзыдэнта. Генпракуратура падазрае яго ў карупцыі і ўжо тройчы выклікала былога прэзыдэнта на допыт у якасьці сьведкі. Але Атамбаеў на допыты не зьяўляўся, лічачы, што яго пазбавілі недатыкальнасьці незаконна.

Што стала зь іншымі прэзыдэнтамі Кіргізстану?

  • Другі прэзыдэнт Кіргізстану Курманбек Бакіеў уцёк з краіны ў Беларусь падчас пратэстаў 2010 году.
  • Першы прэзыдэнт Аскар Акаеў у 2005 годзе склаў зь сябе паўнамоцтвы ў выніку «цюльпанавай рэвалюцыі». Пры дапамозе спэцслужбаў Акаеву ўдалося выехаць з тэрыторыі Кіргізстану. Каля 14 гадоў ён жыве ў Расеі, займаецца навуковай дзейнасьцю.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG