Новы амбасадар Нямеччыны ў Беларусі Манфрэд Гутэрэр запісаў відэаазварот да беларусаў, у якім прызнаўся, што даўно хацеў тут працаваць, паведамляе Tut.by.
Ролік апублікаваны на старонцы Facebook амбасады, кіраўнік місіі разам з жонкай Андрэа прамаўляюць на расейскай і беларускай мовах.
«Я вельмі хацеў прыехаць у Беларусь і нават крыху вывучыў беларускую мову. Як амбасадар я прыкладу ўсе сілы дзеля таго, каб адносіны паміж нашымі краінамі і далей разьвіваліся ў пазытыўным ключы», — сказаў Манфрэд Гутэрэр.
«Мы шматкроць наведвалі Беларусь і ўражаныя тым, якая разнастайная і прыгожая ваша краіна», — дадала жонка дыплямата.
Папярэдні нямецкі амбасадар Пэтэр Дэтмар, зьяжджаючы зь Менску, з нагоды завяршэньня місіі таксама запісаў разьвітальнае відэа па-беларуску.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў