Лінкі ўнівэрсальнага доступу

Лукашэнка сказаў не супакойвацца пасьля Эўрапейскіх гульняў: «Токіё — жэстачайшы экзамэн»


Аляксандар Лукашэнка на закрыцьці Эўрапейскіх гульняў, 30 ліпеня

У час візыту ў Веткаўскі раён Аляксандар Лукашэнка наведаў новыя басэйны тамтэйшай дзіцяча-юнацкай школы, піша БелТА.

«Хай вас не супакойваюць Эўрапейскія гульні, — заявіў Лукашэнка. — Токіё на носе. Гэта для вас усіх будзе жэстачайшы экзамэн».

Ён адзначыў, што басэйны ў Ветцы мусяць выкарыстоўвацца ня толькі для фізкультуры, але і для адбору і падрыхтоўкі спартоўцаў, бо «мы ж ствараем, вялікія трацім грошы».

Пад «Токіё» Лукашэнка, пэўна, меў на ўвазе летнія Алімпійскія гульні, якія пройдуць у сталіцы Японіі ў 2020 годзе. Беларускія спартоўцы возьмуць у іх удзел, але праз допінгавыя скандалы квота на цяжкаатлетаў зьніжаная да двух чалавек для Беларусі, Расеі, Армэніі, Азэрбайджану і Казахстану.

Да таго ў Веткаўскім раёне Лукашэнка наведаў птушкафабрыку, дзе прыгразіў ураду турмой за здыхату быдла.

Эўрапейскія гульні — 2019. Што важна ведаць

Другія Эўрапейскія гульні прайшлі у Менску з 21 па 30 чэрвеня 2019 году.

  • На падрыхтоўку II Эўрапейскіх гульняў Беларусь патраціла 540 мільёнаў рублёў (каля 265 мільёнаў даляраў). Першапачаткова Аляксандар Лукашэнка заяўляў, што Беларусі трэба будзе затраціць ня болей за 50 мільёнаў даляраў плюс дапамогуць эўрапейскія структуры.
  • З квітком на гульні можна было бязь візы трапіць у Беларусь празь любы памежны пункт.
  • Паводле папярэдніх падлікаў, Беларусь за час Эўрапейскіх гульняў наведалі 37 450 турыстаў, зь іх каля 7 тысяч чалавек былі акрэдытаваныя на гульні. Для параўнаньня, на чэмпіянат сьвету па хакеі ў Менск у 2014 годзе прыехалі 80 тысяч замежных турыстаў.​
  • Падчас гульняў у Беларусі працавалі супрацоўнікі МУС Расеі.
  • Адкрыцьцё гульняў прысьвяцілі гісторыі Беларусі, закрыцьцё — сучаснасьці.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG