Лінкі ўнівэрсальнага доступу

На інаўгурацыі Зяленскага будзе прадстаўніцтва ЗША найвышэйшага ўзроўню


Спэцыяльны прадстаўнік Дзярждэпартамэнту ЗША па пытаньнях Украіны Курт Уолкер.
Спэцыяльны прадстаўнік Дзярждэпартамэнту ЗША па пытаньнях Украіны Курт Уолкер.

Прадстаўніцтва Злучаных Штатаў Амэрыкі на інаўгурацыі новаабранага прэзыдэнта Ўкраіны Уладзіміра Зяленскага будзе найвышэйшага ўзроўню, паведаміў у інтэрвію расейскай службе BBC спэцыяльны прадстаўнік Дзярждэпартамэнту ЗША па пытаньнях Украіны Курт Уолкер.

«На інаўгурацыю прэзыдэнта Ўкраіны ў Кіеў з ЗША прыбудзе дэлегацыя высокага ўзроўню. Мы чакаем, калі вызначыцца дакладная дата, і тады вызначым яе склад. Прыкладна ў тыя дні я паспрабую зь ім сустрэцца, каб абмеркаваць канфлікт на Данбасе і крокі, якія можна было б зрабіць, каб вярнуць спакой і мір на гэтую зямлю», — заявіў Уолкер.

Пры гэтым ён не ўдакладніў, хто менавіта ўвойдзе ў склад дэлегацыі ЗША на інаўгурацыю.

«Пакуль гэта не абвешчана, але гэта будзе самы высокі ўзровень прадстаўніцтва, які будзе адпавядаць статусу інаўгурацыі кіраўніка дзяржавы, якая ўваходзіць у лік нашых сяброў», — дадаў ён.

21 красавіка Ўладзімір Зяленскі перамог на выбарах прэзыдэнта Ўкраіны, атрымаўшы каля 73% галасоў. Інаўгурацыя павінна адбыцца не пазьней чым праз 30 дзён пасьля афіцыйнага абвяшчэньня вынікаў, то бок, да 3 чэрвеня. Прэзыдэнт павінен прысягнуць украінскаму народу на ўрачыстым пасяджэньні Вярхоўнай Рады. Зяленскі настойвае, каб інаўгурацыя адбылася 19 траўня.

Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў

Ігар Лосік Кацярына Андрэева Ірына Слаўнікава Марына Золатава Андрэй Кузьнечык
XS
SM
MD
LG