Лінкі ўнівэрсальнага доступу

Ухваленьне Сталіна расейцамі пабіла гістарычны рэкорд, — «Левада-цэнтар»


Жанчына з «іконай Сталіна» на дэманстрацыі 1 траўня 2012 году ў Маскве, ілюстарцыйнае фота

70% расейцаў лічаць, што Сталін меў станоўчую ролю ў гісторыі, 51% ставяцца пазытыўна да асобы Сталіна агулам.

Найбольшы за час дасьледаваньняў узровень падтрымкі савецкага дыктатара Ёсіфа Сталіна зафіксаваў расейскі «Левада-цэнтар», перадае РБК.

Ад 2001 году да апытаньня, праведзенага ў Расеі ў сакавіку 2019-га, заставаліся прыблізна на адным узроўні адсоткі людзей, якія агулам ставіліся да Сталіна з захапленьнем (4% у апошнім апытаньні) і сымпатыяй (6%). Але значна вырасла колькасьць людзей, якія ставяцца да Сталіна з павагай (скачок з 28-30% у 2012–2018 гадах да 41% у апошнім апытаньні).

Каля дзесяці гадоў таму падскочыла з 19% да 37% (цяпер упала да 26%) колькасьць расейцаў, якія ставяцца да Сталіна абыякава. Паступова падала колькасьць тых, хто ставіўся да Сталіна з раздражненьнем (з 18-19% у 2001–2006 гадах да 6% цяпер), страхам (з 15-16% да 5%), агідай і нянавісьцю (з 5-9% да 3%).

Таксама цяпер 18% апытаных расейцаў ацанілі ролю Сталіна ў жыцьці іхнай краіны як «цалкам станоўчую», а 52% як «хутчэй станоўчую», 14% як «хутчэй нэгатыўную» і 5% як «рэзка нэгатыўную». Зь цягам часу колькасьць тых, хто бачыць ягоную ролю пазытыўна, таксама расьце.

Мужчына цалуе іншую «ікону Сталіна», Масква, 21 сьнежня 2015 году
Мужчына цалуе іншую «ікону Сталіна», Масква, 21 сьнежня 2015 году

Расьце і колькасьць тых, хто лічыць мільёны ахвяраў сталінскіх рэпрэсіяў апраўданымі. Каля дзесяці гадоў таму 60% апытаных лічылі, што іх ніяк нельга апраўдаць, 24% — што можна ў нейкай ступені, а колькасьць упэўненых апраўдальнікаў была ў межах статыстычнай хібнасьці. У 2019 годзе толькі 45% казалі, што сталінскія рэпрэсіі ніяк нельга апраўдаць, 33% — што можна апраўдаць у нейкай ступені, 13% упэўнена заявілі, што сталінскія рэпрэсіі можна апраўдаць.

Больш за іншых з павагай да Сталіна ставяцца тыя расейцы, якія галасавалі на прэзыдэнцкім выбары нават не за камуніста Паўла Грудзініна, а за лідэра ЛДПР Улідзіміра Жырыноўскага. Узровень падтрымкі асобы і дзеяньняў Сталіна прыблізна роўны між камуністамі і прыхільнікамі Ўладзіміра Пуціна.

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Сталінскія рэпрэсіі ў Беларусі — асноўнае, што трэба ведаць
пачакайце

No media source currently available

0:00 0:02:38 0:00

Чаму беларускі рэжым не прызнае сталінскія рэпрэсіі

Асноўнае пра Курапаты

Расстраляныя літаратары. Гісторыя 12 творцаў, забітых 80 год таму

Як унукі і праўнукі шукаюць зьвесткі пра рэпрэсаваных сваякоў

«Баюся ўлады, якая пачне забіваць». Стогадовая беларуска, асуджаная ў СССР за шпіянаж, распавядае пра рэпрэсіі

Картатэка Сталіна

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Вам можа яшчэ спадабацца

XS
SM
MD
LG