«У адпаведнасьці з артыкулам 9 Закону Рэспублікі Казахстан ад 8 сьнежня 1993 году „Аб адміністрацыйна-тэрытарыяльным ладзе Рэспублікі Казахстан“ пастанаўляю: 1. Перайменаваць горад Астану — сталіцу Рэспублікі Казахстан у горад Нур-Султан — сталіцу Рэспублікі Казахстан», — гаворыцца ў паведамленьні.
Указ набыў моц у момант афіцыйнага апублікаваньня.
Пра тое, што Астану могуць перайменаваць, стала вядома тры дні таму, калі новы прэзыдэнт Казахстана афіцыйна заняў сваю пасаду. Такім чынам Такаеў прапанаваў ушанаваць імя свайго папярэдніка — Нурсултана Назарбаева. Першапачаткова Астану зьбіраліся перайменаваць у Нурсултан. Чаму быў выбраны варыянт з падзелам імені Назарбаева на дзьве часткі, не паведамляецца.
Нурсултан Назарбаеў кіраваў Казахстанам на працягу амаль 30 гадоў. Экспэрты лічаць, што Назарбаеў будзе адыгрываць ключавую ролю ў кіраваньні краінай і пасьля сваёй адстаўкі.
