Лінкі ўнівэрсальнага доступу

«Справа БелТА» перададзеная ў Генпракуратуру, абвінавачаная толькі Золатава


Крымінальная справа аб бязьдзейнасьці службовай асобы ў дачыненьні галоўнай рэдактаркі парталу Tut.by Марыны Золатавай перадалі ў Генэральную пракуратуру, паведаміла БелаПАН афіцыйная прадстаўніца Сьледчага камітэту Юлія Ганчарова.

Паводле яе, крымінальная справа перададзеная пракурору 2 студзеня.

Марына Золатава застаецца апошняй абвінавачанай у «справе БелТА». Ёй прад’явілі абвінавачаньне паводле ч. 2 арт. 425 Крымінальнага кодэксу (бязьдзейнасьць службовай асобы). Санкцыі артыкулу — штраф, пазбаўленьне права займаць пэўныя пасады або займацца пэўнай дзейнасьцю, пазбаўленьне волі на тэрмін да пяці гадоў.

Першапачаткова ў справе праходзілі 15 фігурантаў — рэдактараў і журналістаў розных СМІ. Усе яны, акрамя Золатавай, абвінавачваліся ў несанкцыянаваным доступе да кампутарнай інфармацыі (ч. 2 арт. 349 КК) і раней былі вызваленыя ад крымінальнай адказнасьці з прыцягненьнем да адміністрацыйнай. Акрамя штрафаў у 30 базавых велічынь (735 рублёў), усе фігуранты пакрылі прад’яўленую шкоду. Сумы — ад 3 да 17 тысяч рублёў.

Нагодай да завядзеньня крымінальнай справы стаў зварот генэральнага дырэктара дзяржаўнага інфармагенцтва БелТА Ірыны Акуловіч у праваахоўныя органы з нагоды збояў пры ажыцьцяўленьні доступу да платнай падпіскі на навіны БелТА.

«Справа БелТА». Што важна ведаць

Што адбылося. Раніцай 7 жніўня супрацоўнікі Сьледчага камітэту прыйшлі зь ператрусамі ў офісы інтэрнэт-парталу Tut.by і інфармацыйнага агенцтва БелаПАН, а таксама ў кватэры журналістаў гэтых кампаній.

Сьледчыя падчас вобшуку ў офісе Tut.by
Сьледчыя падчас вобшуку ў офісе Tut.by

  • Сьледчы камітэт завёў крымінальную справу за несанкцыянаваны доступ да кампутарнай інфармацыі — платнай падпіскі БелТА (ч. 2 арт. 349 КК).
  • 7–9 жніўня затрымалі 18 журналістаў. Іх вызвалялі пасьля допыту. Пазьней сьледчы камітэт паведаміў, што ў справе 15 фігурантаў.
  • Ператрусы таксама прайшлі ў офісах Realt.by, газэты «Культура» і ТАА «Айціві». Таксама па справе праходзіць выдавецкі дом «Беларуская навука».
  • У лістападзе абвінавачаным выставілі сумы для кампэнсацыі ад 3000 да 17 000 рублёў.
  • Галоўнай рэдактарцы Tut.by Марыне Золатавай выставілі абвінавачаньне ў бязьдзейнасьці адказнай асобы (ч.2 арт. 425 КК — да 5 гадоў зьняволеньня і забарона займаць пэўныя пасады ці займацца пэўнай дзейнасьцю).
  • Да канца лістапада крымінальныя справы супраць 14 абвінавачаных спынілі, бо яны сплацілі шкоду і штраф. Пад крымінальным перасьледам застаўся толькі адзін фігурант — Марына Золатава.

Чым унікальная «справа БелТА». Пяць момантаў

Прадстаўляліся суседзямі, адключалі тэлефоны. Як сьледчыя затрымлівалі журналістаў Tut.by

5 пытаньняў рэдактаркі Tut.by Калтыгінай да Сьледчага камітэту

Мадона, янот і Анджэліна Джалі: заходнія агенцтвы кажуць, што БелТА бярэ здымкі без дазволу

«Людзі, прыдуць хутка і па вас». Сьвятлана Алексіевіч падтрымала журналістаў са «справы БелТА»

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG