Сьледчы камітэт 4 студзеня завёў крымінальную справу па факце забойства ў Віцебскім раёне жанчын 78 і 76 гадоў. Падазраванага затрымалі.
Целы дзьвюх жанчын зь цялеснымі пашкоджаньнямі выявілі 3 студзеня.
Неўзабаве затрымалі раней судзімага мужчыну 49 гадоў. Паводле сьледчых, ён пэрыядычна дапамагаў жанчынам па гаспадарцы. На момант публікацыі абвінавачваньне яму не прадʼявілі.
СК пачаў крымінальную справу паводле ч. 2 арт. 139 КК Беларусі «Забойства з абцяжарвальнымі абставінамі». Такое злачынства можа карацца:
- 8–20 гадамі зьняволеньня;
- пажыцьцёвым зьняволеньнем;
- сьмяротным пакараньнем.