Лінкі ўнівэрсальнага доступу

Атака дронаў у Гатвіку: паліцыя адпусьціла затрыманых


Лётнішча Гатвік

Двух чалавек, затрыманых паводле падазрэньня ў дачыненьні да запуску дронаў над лёнданскім лётнішчам Гатвік, якое ў выніку было паралізаванае амаль на 36 гадзін, выпусьцілі на волю.

47-гадовы мужчына і 54-гадовая жанчына былі затрыманыя ўвечары ў пятніцу паводле падазрэньня ў дачыненьні да запуску бесьпілётнікаў над Гатвікам.

Паліцыя графства Сасэкс заявіла, што пара больш ні ў чым не падазраецца.

Прадстаўнік паліцыі сказаў, што затрыманыя «актыўна супрацоўнічалі» са сьледзтвам, і ён упэўнены, што яны ня маюць ніякага дачыненьня да інцыдэнту.

Раней паліцыя прасіла неадкладна зьвязацца зь ёй тых, у каго ёсьць хоць нейкая інфармацыя пра атаку дронаў.

Адміністрацыя лётнішча Гатвік прапануе ўзнагароду ў 50 тыс. фунтаў (63 тыс. даляраў) за інфармацыю пра асобаў, якія будуць затрыманыя і прызнаныя вінаватымі ў судзе за парушэньне бесьперабойнай работы лётнішча.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG