18 лістапада цана аўтамабільнага паліва на АЗС Беларусі павялічыцца на 1 капейку, паведамілі ў канцэрне «Белнафтахім».
Цэны пасьля падаражэньня:
- АІ-92 — 1,42 рубля за літар;
- АІ-95 — 1,51 рубля;
- АІ-98 — 1,72 рубля;
- дызэльнае паліва — 1,51 рубля.
Сёлета гэта 24 павышэньне цэнаў на бэнзін. Ад пачатку году цэны вырасьлі на 15-19%.
Што важна ведаць пра цэны на паліва ў Беларусі
- Летась «Белнафтахім» зьмяніў падыход да цэнаў на нафтапрадукты — яны будуць паступова ўраўноўвацца з расейскім рынкам. У 2018 годзе паліва ў Беларусі даражэла 27 разоў, дызэльнае паліва таньнела двойчы. Гэта рэкорднае па пэрыядычнасьці павышэньне за апошнія 10 гадоў.
- У 2013–2017 гадах ніводзін від паліва ў Беларусі не таньнеў.