Лінкі ўнівэрсальнага доступу

Статкевіч заклікаў правесьці «ланцуг памяці» ля КДБ

абноўлена

«Ланцуг памяці» ля будынку КДБ у Менску, 2017 год

Мікола Статкевіч заклікаў зладзіць «ланцуг памяці» пад будынкам КДБ у Менску а 19-й гадзіне 29 кастрычніка.

Палітык заклікаў браць удзельнікаў акцыі толькі сьвечкі і зьнічкі, выкарыстоўваць сьцягі ці плякаты на акцыі не плянуецца.

Статкевіч сказаў Свабодзе, што лічыць бессэнсоўным прасіць у Менгарвыканкаме дазвол на правядзеньне акцыі.

«Пакуль ёсьць тыя, хто лічыць сябе юрыдычнымі і афіцыйнымі спадкаемцамі катаў і ганарыцца імі, нават форму некаторыя носяць, нам трэба хадзіць ня толькі да магілаў», — сказаў Статкевіч.

Акцыю «ланцуг памяці» Статкевіч ладзіць з 2015 году. Летась адразу пасьля заканчэньня акцыі супрацоўнікі камунальнай службы прыбралі зьнічы з прыступак КДБ. Некаторых удзельнікаў акцыі аштрафавалі.

Дзе яшчэ ўшануюць памяць рэпрэсаваных?

28 кастрычніка — «Дзяды». Менскія ўлады дазволілі КХП БНФ правесьці шэсьце і мітынг у Курапатах.

29 кастрычніка — «Ноч расстраляных паэтаў». Зьміцер Дашкевіч арганізуе чытаньні твораў рэпрэсаваных літаратараў у Курапатах.

4 лістапада — Шэсьце ў Лошыцкім яры. КХП БНФ правядзе шэсьце да месца расстрэлаў 1937–1941 гадоў.

«Ноч расстраляных паэтаў» у Курапатах, здымак 2017 году
«Ноч расстраляных паэтаў» у Курапатах, здымак 2017 году

За адну ноч з 29 на 30 кастрычніка 1937 году НКВД беспадстаўна расстраляла больш за 100 прадстаўнікоў беларускай інтэлігенцыі: літаратараў, навукоўцаў, дзяржаўных дзеячаў.

Сталінскія рэпрэсіі ў Беларусі

У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.

Сталінскія рэпрэсіі ў Беларусі — асноўнае, што трэба ведаць
пачакайце

No media source currently available

0:00 0:02:38 0:00

Чаму беларускі рэжым не прызнае сталінскія рэпрэсіі

Асноўнае пра Курапаты

Расстраляныя літаратары. Гісторыя 12 творцаў, забітых 80 год таму

Як унукі і праўнукі шукаюць зьвесткі пра рэпрэсаваных сваякоў

«Баюся ўлады, якая пачне забіваць». Стогадовая беларуска, асуджаная ў СССР за шпіянаж, распавядае пра рэпрэсіі

Картатэка Сталіна

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG