Лінкі ўнівэрсальнага доступу

Рост ВУП Беларусі ў жніўні перавысіў прагноз Лукашэнкі


Ілюстрацыйнае фота

Валавы ўнутраны прадукт (ВУП) Беларусі вырас на 3,7% за студзень-жнівень 2018 году да аналягічнага леташняга пэрыяду, згодна са зьвесткамі Белстату. Адпаведна даручэньню Аляксандра Лукашэнкі прырост ВУП сёлета павінен скласьці ня менш за 3,5% у гадавым вымярэньні.

Валавы ўнутраны прадукт — макраэканамічны паказьнік, які адлюстроўвае рынкавы кошт выпушчаных тавараў і аказаных паслуг за год ва ўсіх галінах эканомікі.

У грашовым эквіваленце ВУП за першыя 8 месяцаў 2018 году склаў 77,37 мільярда рублёў. У ліпені-жніўні ВУП павялічыўся на 21,54 мільярда рублёў.

Найбольшы ўнёсак у ВУП зрабілі:

  • апрацоўчая прамысловасьць — гэта 22,9% ад агульнай лічбы па краіне;
  • Менск і Менская вобласьць — 28,2% і 13,7% ад агульнай лічбы па краіне.

Сёлета ў красавіку МВФ палепшыў прагноз росту ВУП Беларусі ў 2018 годзе: 2,8% замест раней акрэсьленых 0,7%. Паводле прагнозу МВФ, у 2019 годзе ВУП Беларусі складзе 2,4%. Інфляцыю на 2018 год раней прагназавалі ня большай за 7,5%, цяпер — ня большай за 6%.

Эўрапейскі банк рэканструкцыі і разьвіцьця чакае, што беларуская эканоміка ў 2018 годзе вырасьце на 3%. Усясьветны банк прагназуе рост ВУП на 2,9% у 2018 годзе, 2,7% — у 2019-м і 2,5% — у 2020 годзе.

​На 2018 год Аляксандар Лукашэнка паставіў задачу росту ВУП на 3,5%. У 2017 годзе валавы ўнутраны прадукт вырас на 2,4%. Прагноз росту на 2017 год быў меншы — 1,7%. ВУП Беларусі падаў два гады запар: мінус 3,8% за 2015 год, мінус яшчэ 2,5% за 2016-ты.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG