Лінкі ўнівэрсальнага доступу

Беларускі экіпаж на грузавіку МАЗ упершыню выйграў міжнароднае ральлі


Гоначны МАЗ на радзіме Касьцюшкі, архіўнае фота.

Экіпаж лідэра беларускай каманды «МАЗ-СПОРТаўта» Сяргея Вязовіча апярэдзіў расіян на КАМАЗах.

Экіпаж Вязовіча прыехаў першым на пятым этапе і стаў першым у генэральнай клясыфікацыі ральлі Turkmen Desert Race, якое праходзіла ў Каракумах. Другое і трэцяе месцы занялі экіпажы расійскай каманды «КАМАЗ-майстар», якім кіраваў Айрат Мардеева і Дзмітрыя Сотнікава. Яшчэ адзін беларускі экіпаж Аляксея Вішнеўскага апынуўся на чацьвёртым радку агульнага заліку, паведамляе БелаПАН.

Перамога ў Turkmen Desert Race стала першай для беларусаў. «МАЗ-СПОРТаўта» апошнія гады паказвае высокія вынікі на міжнародных ралі-рэйдах. У студзені экіпаж пад кіраваньнем Вязовіча заняў другое месца на маратоне «Дакар».

Ралі-рэйд Turkmen Desert Race прайшоў з 11 па 15 верасьня. Яго маршрут зьвязаў старажытны горад Амуль і прыбярэжны Хазар ля Касьпійскага мора. Працягласьць трасы склала 1614 км, зь іх 1203 км — спэцучасткі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

Ігар Лосік Кацярына Андрэева Дар'я Чульцова Марына Золатава Ягор Марціновіч
XS
SM
MD
LG