Двое чалавек пацярпелі ў выніку нападу з нажом на цэнтральным вакзале Амстэрдаме. Паліцыянты адкрылі агонь па нападніку. Ён атрымаў раненьні. Усе трое шпіталізаваныя.
Па дадзеных тэлеканалу AT5, інцыдэнт адбыўся ў тунэлі вакзала. Відавочцы распавядаюць пра бойку, якая ў далейшым перарасла ў панажоўшчыну.
Пасьля інцыдэнту перакрылі дзьве плятформы, рух цягнікоў быў спынены. Спачатку паліцыя заявіла, што спатрэбіцца эвакуацыя ўсіх пасажыраў з вакзала, але пазьней адмовілася ад гэтай ідэі.
Паліцыя інфармацыю пакуль не пракамэнтавала.
