Лінкі ўнівэрсальнага доступу

Беларусь пацьвердзіла новая абвінавачваньні супраць Насьці Рыбкі


Насьця Рыбка

Амбасада Беларусі пацьвердзіла факт новай крымінальнай справы ў Тайляндзе супраць Аляксандра Кірылава (Алекса Лэсьлі), Анастасіі Вашукевіч (Насьці Рыбкі) і іншых шасьцярых абвінавачаных у правядзеньні незаконнага сэкс-трэнінгу.

Пра гэта паведаміў кіраўнік консульскага аддзелу амбасады Беларусі ў Віетнаме Дзьмітры Гіль, перадае РБК.

«13 красавіка суд Патаі прад’явіў новыя абвінавачваньні членам групы, затрыманым 25 лютага праваахоўнымі органамі Тайлянда за незаконную арганізацыю сэкс-трэнінгаў на тэрыторыі краіны». — сказаў консул.

Гіль адзначыў, што абвінавачваньні прадʼяўленыя па трох артыкулах Крымінальнага кодэкса Тайлянда, у ліку якіх арганізацыя прадстаўленьня паслуг сэксуальнага характару.

«Сувязь [з затрыманымі] падтрымліваецца. Кірылаў [Лэсьлі] ідэнтыфікаваны тайскім бокам як грамадзянін Расейскай Фэдэрацыі, паколькі пры затрыманьні прадʼявіў расейскі пашпарт », — дадаў начальнік консульства.

Насьцю Рыбку разам з грамадзянінам Расеі Аляксандрам Кірылавым і шэрагам іншых асобаў затрымалі ў Тайляндзе 26 лютага па падазрэньні ў правядзеньні незаконных сэкс-трэнінгаў.

Суд у Патаі 13 красавіка прадʼявіў новыя абвінавачваньні. На гэты раз Лэсьлі і Рыбку абвінавацілі ў прадстаўленьні паслуг сэксуальнага характару ў складзе групы. Таксама яны абвінавачваюцца ў нелегальнай прадпрымальніцкай і працоўнай дзейнасьці. Слуханьне па гэтай справе адбудзецца 17 красавіка.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG