Лінкі ўнівэрсальнага доступу

Абвінавачаньні супраць Насьці Рыбкі і Алекса Лэсьлі вылучаць у красавіку


Затрыманая Насьця Рыбка (Анастасія Вашукевіч) пры перавозе ў турму. Тайлянд, 28.02.2018

Суд у Тайляндзе 17 красавіка прад’явіць абвінавачваньні Анастасіі Вашукевіч, вядомай у інтэрнэце як Насьця Рыбка, а таксама Аляксандру Кірылаву, які выкарыстоўвае псэўданім Алекс Лэсьлі. Пра гэта паведамляе тайскае агенцтва BenarNews. Якое менавіта пакараньне пагражае падсудным — не ўдакладняецца.

Вашукевіч, Кірылаў і яшчэ 8 чалавек былі затрыманыя ў Патаі ў канцы лютага паводле абвінавачаньня ў незаконнай дзейнасьці — паводле дадзеных уладаў, яны арганізоўвалі «сэкс-трэнінгі», ня маючы дазволу на працу ў Тайляндзе.

Вашукевіч грамадзянка Беларусі. Яна сьцьвярджала, што за дзеяньнямі тайляндзкіх уладаў супраць яе і Лэсьлі стаіць ціск Расеі. Прадстаўнікі тайскай паліцыі, аднак, заявілі, што «арышт зроблены бязь нейкіх навядзеньняў з-за мяжы».

Кніга Насьці Рыбкі
Кніга Насьці Рыбкі

Насьця Рыбка стала вядомая пасьля расьсьледаваньня апазыцыянэра Аляксея Навальнага аб магчымых карупцыйных сувязях мільярдэра Алега Дзерыпаскі і намесьніка кіраўніка ўраду Расеі Сяргея Прыходзькі. Улетку 2016 году алігарх і чыноўнік, плаваючы разам на яхце, нібыта абмяркоўвалі ўмяшаньне ў амэрыканскія выбары. На гэтай яхце ў ліку іншых дзяўчат з эскорт-агенцтваў была і Насьця Рыбка. Пазьней яна расказала аб тым, што адбывалася на яхце Дзерыпаскі ў сваёй кнізе і сацыяльных сетках.

Што вядома пра Насьцю Рыбку — бабруйскую «сэкс-паляўнічую», якая здала расейскага алігарха

Пасьля затрыманьня ў Тайляндзе Вашукевіч зьвярнулася па дапамогу да амэрыканскіх спэцслужбаў. Яна заявіла пра гатоўнасьць расказаць нейкія падрабязнасьці аб умяшаньні Крамля ў выбары прэзыдэнта ЗША ў 2016 годзе, сьцьвярджаючы, у прыватнасьці, што ў яе ёсьць некалькі гадзін запісаў перамоваў Дзерыпаскі, які ў свой час супрацоўнічаў з Полам Манафортам — былым начальнікам штабу кампаніі Дональда Трампа.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG