Лінкі ўнівэрсальнага доступу

Насьця Рыбка прапанавала ўладам ЗША 16 гадзін запісаў размоваў Дзерыпаскі


Анастасія Вашукевіч (Насьця Рыбка)

Беларуская грамадзянка Анастасія Вашукевіч (Насьця Рыбка) заявіла, што мае больш за 16 гадзін аўдыёзапісаў, якія могуць дапамагчы ў расьсьледаваньні ўплыву Расеі на амэрыканскія прэзыдэнцкія выбары. Яна кажа, што гатовая перадаць гэтыя запісы ўладам ЗША ў абмен на прытулак.

Як піша амэрыканскае выданьне The New York Times, такую заяву Вашукевіч зрабіла 5 сакавіка ў Бангкоку, дзе яна знаходзіцца ў зьняволеньні. 26 лютага стала вядома, што Вашукевіч, і выхадзец зь Беларусі Аляксей Кірылаў (Алекс Лэсьлі) затрыманыя ў Тайляндзе за незаконнае правядзеньне «сэкс-трэнінгу». Пазьней іх адпусьцілі пад заклад, але тут жа арыштавалі супрацоўнікі тайляндзкай міграцыйнай службы.

Вашукевіч сьцьвярджае, што ў жніўні 2016 году яна зрабіла запісы, на якіх расейскі алігарх Алег Дзерыпаска, сярод іншага, абмяркоўвае зь неназванымі людзьмі выбары ў ЗША. Дзерыпаска, які мае шчыльныя сувязі з прэзыдэнтам Расеі Ўладзімірам Пуціным, таксама меў дзелавыя кантакты з Полам Манфортам, колішнім кіраўніком выбарчага штабу прэзыдэнта ЗША Дональда Трампа.

Былому кіраўніку штабу Трампа Полу Манафорту выставілі новыя абвінавачаньні

У лютым Дзерыпаска падаў у суд на Вашукевіч і Кірылава, якія апублікавалі ў сацсетках яго фатаграфіі і запісы размоў. Расейскі апазыцыянэр Аляксей Навальны выкарыстаў гэтыя фота для абвінавачваньня ў карупцыі віцэ-прэм’ера Расеі Сяргея Прыходзькі, які ўдзельнічаў у сустрэчах на яхце Дзерыпаскі.

Сёньня раней агенцтва Інтэрфакс са спасылкай на Краснадарскі краявы суд паведаміла, што ў якасьці трэціх асоб да справы паводле пазову Дзерыпаскі прыцягнутыя Аляксей Навальны, Аксана Панава (галоўны рэдактар Znak.com), а таксама выданьне «Медиазона». 27 сакавіка суд разгледзіць некалькі прыватных скаргаў па пазове бізнэсоўца.

Што вядома пра Насьцю Рыбку — бабруйскую «сэкс-паляўнічую», якая здала расейскага алігарха

«У Беларусь я больш ні нагой». 10 фрагмэнтаў з кнігі Насьці Рыбкі

Муж Насьці Рыбкі: «Яна пакуль не зьбіраецца вяртацца ў Расею»

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG