Лінкі ўнівэрсальнага доступу

Выставу, прысьвечаную 100-годзьдзю абвяшчэньня незалежнасьці БНР, закрыюць датэрмінова


Афіша выставы ў гонар 100-годзьдзя абвяшчэньня незалежнасьці БНР

Старшыня Беларускага саюзу мастакоў Рыгор Сітніца патлумачыў Радыё Свабода, што такое рашэньне арганізатары прынялі таму, што выставу слаба наведвалі.

«Сёньня я хадзіў цэлы дзень па выставе — нікога няма».

Выстава «Код: 25.03.2018» адкрылася 4 красавіка ў менскім Палацы мастацтва. Яна працягвае цыкль сьвяточных імпрэзаў, прысьвечаных 100-годзьдзю абвяшчэньня Беларускай Народнай Рэспублікі.

Першапачаткова плянавалася, што выстава будзе працаваць да 15 красавіка. Замест гэтага пабачыць яе можна будзе толькі да 16-й гадзіны ў пятніцу, 13 красавіка. Паводле Рыгора Сітніцы, у суботу замест яе будзе ўжо іншая, камэрцыйная, выстава.

«Навошта вы адкладаеце ўсё на апошні дзень а потым наракаеце? — сказаў ён. — Трэба хадзіць тады, калі адчыненая і дзейная».

«Адраджэньне», аўтар Аляксей Марачкін
«Адраджэньне», аўтар Аляксей Марачкін
Інсталяцыя «1921. Чацьвёрты падзел», аўтары Зьміцер Юркевіч і Алесь Родзін
Інсталяцыя «1921. Чацьвёрты падзел», аўтары Зьміцер Юркевіч і Алесь Родзін

​На цяперашняй выставе ўвазе наведнікаў прапанавана некалькі дзясяткаў карцін, габэленаў, скульптур, тканых вырабаў. Сярод аўтараў — Аляксей Марачкін, Мікола Купава, Алесь Цыркуноў, Генадзь Драздоў, Мікола Назарчук, Іван Андрасюк, Аляксей Панцюк-Жукоўскі, Уладзімер Голубеў, Мікола Рыжы, Андрэй Дубінін, Сьвятлана Баранкоўская, Уладзімер Вішнеўскі, Леанід Хобатаў, Гэнік Лойка ды многія іншыя.

«Апостал. Васіль Быкаў». Аўтарскае ткацтва Сьвятланы Баранкоўскай
«Апостал. Васіль Быкаў». Аўтарскае ткацтва Сьвятланы Баранкоўскай
Дыптых «Пагоня», аўтар Уладзімер Голубеў
Дыптых «Пагоня», аўтар Уладзімер Голубеў

У сюжэтах шмат гістарычнай сымболікі, пазнавальных твараў. На лесьвічных парэнчах прымацаваныя партрэты айцоў-заснавальнікаў і грамадзкіх дзеячаў БНР. Жыцьцё бальшыні пасьля ўсталяваньня савецкай улады скончылася трагічна.

Партрэты айцоў-заснавальнікаў БНР
Партрэты айцоў-заснавальнікаў БНР
«Заснавальнікі БНР», аўтар Мікола Рыжы
«Заснавальнікі БНР», аўтар Мікола Рыжы
Аляксей Панцюк-Жукоўскі з айцамі-заснавальнікамі БНР
Аляксей Панцюк-Жукоўскі з айцамі-заснавальнікамі БНР
Зянон Пазьняк работы Гэніка Лойкі
Зянон Пазьняк работы Гэніка Лойкі
«Рыцар ВКЛ», аўтар Уладзімер Вішнеўскі
«Рыцар ВКЛ», аўтар Уладзімер Вішнеўскі

Калекцыянэр расказаў, які гістарычны пэрыяд не адлюстраваны на беларускіх марках

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG