Лінкі ўнівэрсальнага доступу

Магілёвец, які зьбіраўся на #BNR100, адседзеў двое сутак і атрымаў два штрафы


Станіслаў Паўлінковіч, архіўнае фота

2 красавіка актывіста аргкамітэту Беларускай сацыял-дэмакратычнай партыі «Народная грамада» Станіслава Паўлінковіча Ленінскі суд Магілёва аштрафаваў на 122 рублі 50 капеек за непадпарадкаваньне міліцыі.

Раней, 26 сакавіка, ДАІ пакарала яго штрафам за пераход вуліцы ў неналежным месцы. Да гэтага ён двое сутак правёў пад арыштам. І ўсё праз тое, што проста хацеў трапіць у Менск на сьвяткаваньне 100-годзьдзя БНР, кажа актывіст.

Абодва прысуды магілёвец будзе абскарджваць.

Паводле Станіслава Паўлінковіча, 24 сакавіка яго затрымалі каля дому амапаўцы. Яны прапанавалі яму праехаць у пастарунак, каб спраўдзіць асобу. Паўлінковіч кажа, што не пярэчыў, але ў пастарунку на яго склалі пратакол аб непадпарадкаваньні.

Калі ў судзе Паўлінковіч папрасіў амапаўцаў Аляксандра Якушава, Аляксея Герцава ды Віктара Мішчанку пацьвердзіць іх сьведчаньні відэазапісам, аказалася, што відэафіксатара ў іхнай машыне не было. Міліцыянты сказалі, што ня маюць прычын агаворваць Паўлінковіча. Судзьдзя Алена Літвіна паверыла ім на слова і аштрафавала актывіста на 5 базавых велічынь.

За два гады Станіслава Паўлінковіча тройчы затрымлівалі напярэдадні акцый пратэсту ў Менску.

Летась яго абвінавацілі ў распаўсюдзе парнаграфіі, — справу праз паўгода спынілі, бо не знайшлі доказаў.

Пасьля штрафу ў 460 рублёў за пратэст супраць вучэньняў «Захад-2017» ён накіраваў скаргу ў ААН.

У Дуброўне аштрафавалі актывістку АГП, якой у Дзень Волі не далі даехаць да Менску

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG