Лінкі ўнівэрсальнага доступу

У цэнтры Валакаламску некалькі тысяч чалавек пратэстуюць супраць сьмецьцевага палігону


У цэнтры гораду сабраліся некалькі тысяч чалавек. Паліцыя затрымала мітынгоўца з плякатам «ганьба сьмецьцевым баронам».

А чацьвёра актывістаў руху «Іншая Расея» былі затрыманыя яшчэ пры ўезьдзе ў горад — наўпрост на плятформе.

Пратэстоўцы патрабуюць адправіць у адстаўку мясцовыя ўлады і губэрнатара Маскоўскай вобласьці Андрэя Вараб’ёва. Акрамя таго — ліквідаваць сьмецьцевы палігон «Ядрава». Масавыя акцыі ў Валакаламску праходзяць з пачатку года.

Жыхары скардзяцца на выкіды газу ад звалкі. Сытуацыя абвастрылася пасьля таго, як дзесяткі дзяцей зьвярнуліся ў бальніцы са скаргамі на атручваньне звалачным газам.

Напярэдадні паліцыя затрымала арганізатара акцый супраць сьмецьцевага палігону «Ядрава» Арцёма Любімава. Яго абвінавачваюць у непадпарадкаваньні супрацоўнікам паліцыі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG