Лінкі ўнівэрсальнага доступу

Дональд Трамп: Кім Чэн Ын зь нецярплівасьцю чакае сустрэчы са мной


Кім Чэн Ын з жонкай падчас візіыу ў Пэкін. 28.03.2018.

Дональд Трамп чакае сустрэчы з лідэрам Паўночнай Карэі Кім Чэн Ыном. Пра гэта прэзыдэнт ЗША напісаў у Твітэры пасьля візыту паўночнакарэйскага лідэра ў Пэкін.

«Учора ўвечары атрымаў паведамленьне ад кіраўніка КНР Сі Цзіньпіна аб тым, што яго сустрэча зь Кім Чэн Ыном прайшла вельмі добра і што Кім зь нецярпеньнем чакае сустрэчы са мной», — напісаў Трамп. Пры гэтым прэзыдэнт ЗША дадаў, што санкцыі ў дачыненьні да КНДР будуць захаваныя ў поўным аб’ёме.

ВВС паведамляе, што сустрэча кіраўнікоў ЗША і КНДР заплянаваная на травень. А ў канцы красавіка Кім Чэн Ын сустрэнецца з прэзыдэнтам Паўднёвай Карэі. Паездку ў Кітай называюць важным крокам Паўночнай Карэі ў працэсе падрыхтоўкі да гэтых дзьвюх сустрэч.

Кім Чэн Ын знаходзіўся ў Пэкіне з 25 па 28 сакавіка. Ён запэўніў старшыню КНР Сі Цзіньпіна, што КНДР гатова адмовіцца ад распрацовак ядзернай зброі, але толькі пры выкананьні Вашынгтонам і Сэўлам шэрагу ўмоваў.

Цяперашні візыт Кім Чэн Ына ў Пэкін — першая замежная паездка ў якасьці кіраўніка Паўночнай Карэі.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG