Лінкі ўнівэрсальнага доступу

Швэцыя гатовая правесьці гістарычную сустрэчу Трампа і Кім Чэн Ына


Прэм’ер-міністар Швэцыі Стэфан Лёвен

Швэцыя гатова правесьці гістарычную сустрэчу паміж прэзыдэнтам ЗША Дональдам Трампам і паўночнакарэйскім лідэрам Кім Чэн Ыном.

Пра гэта заявіў прэм’ер-міністар Швэцыі Стэфан Лёвен, паведамляе The Local.

«Калі мы можам нейкім чынам дапамагчы, мы гэта зробім», — сказаў Лёвен на прэс-канфэрэнцыі пасьля сустрэчы з прэмʼер-міністрам Люксэмбургу.

У інтэрвію швэдзкім СМІ Лёвен адзначыў ролю Швэцыі, якую яна адыгрывала раней: амэрыканскія дыпляматы ў мінулым выкарыстоўвалі пасольства Швэцыі ў Пхэньяне як канал зносінаў з КНДР.

Амэрыканскія СМІ, такія як Washington Post і ABC News, раней называлі Швэцыю магчымым месцам сустрэчы Трампа і Кім Чэн Ына.

Прэзыдэнт ЗША Дональд Трамп выказаў гатоўнасьць сустрэцца зь лідэрам Паўночнай Карэі Кім Чэн Ынам да траўня. ЭЗ вітаў гэтую гатоўнасьць.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG