Увечары 21 сакавіка на заводзе будаўнічых матэрыялаў у пасёлку Краснасельскі Ваўкавыскага раёну падчас ачысткі сіласнай вежы на рабочых зваліўся пласт цэмэнту, паведамляе Сьледчы камітэт.
Рабочы 1985 году нараджэньня загінуў, задыхнуўшыся цэмэнтам.
Яго напарнік-аднагодак трапіў з траўмамі ў шпіталь, пра цяжкасьць ягонага стану пакуль не паведамляецца.
Заведзена крымінальная справа паводле артыкула «Парушэньне правілаў аховы працы». Максымальнае пакараньне па ім — 5 гадоў зьняволеньня.
Камэнтаваць тут можна праз Facebook. Калі вы ў Беларусі, любы камэнтар можа быць падставай для перасьледу з боку ўладаў