На адным з прадпрыемстваў холдынгавай кампаніі «Пінскдрэў» загінуў рабочы, паведамляе БелТА са спасылкай на Брэсцкае абласное ўпраўленьне Дэпартамэнту дзяржаўнай інспэкцыі працы.
Няшчасны выпадак здарыўся 19 студзеня ў вытворчым цэху прадпрыемства «Шперплат».
Паводле папярэдняй інфармацыі Дэпартамэнту дзяржаўнай інспэкцыі працы, 38-гадовы лушчыльшчык шпону быў сьмяротна траўмаваны абсталяваньнем праз парушэньне тэхнікі бясьпекі.
Па факце гібелі рабочага праводзіцца праверка. Ва ўпраўленьні зьвярнулі ўвагу, што летась мабільная група па прафіляктыцы вытворчага траўматызму, у якую ўваходзяць прадстаўнікі розных службаў і ведамстваў, ня раз спрабавала трапіць на тэрыторыю «Шперплата», але ім нібыта кожны раз чыніліся перашкоды.