Лінкі ўнівэрсальнага доступу

Мітрапаліт Павел сказаў, што малітвы да стагодзьдзя БНР ня будзе, каб не палітызаваць набажэнства


Мітрапаліт Павел, архіўнае фота

Беларускі экзархат Расейскай праваслаўнай царквы ня будзе праводзіць асобную малітву за Беларусь 25 сакавіка ў гонар 100 год Беларускай Народнай Рэспублікі, каб не палітызаваць малітву і набажэнства, заявіў на прэс-канфэрэнцыі 20 сакавіка мітрапаліт Павел.

«Мы за тое, каб малітва і набажэнства ніколі не палітызавалася. Вядома, можна выйсьці на нейкія пляцоўкі, на трыбуны, заклікаць людзей, але ў гэтым выпадку малітва будзе мець гвалтоўны характар», — пракамэнтаваў мітрапаліт Павел заклік каталіцкіх біскупаў маліцца за Беларусь 25 сакавіка.

Праваслаўны герарх адзначыў, што ў праваслаўных храмах малітва за Беларусь, яе правадыроў і воінаў праходзіць штодзённа раніцай і ўвечары, а ў манастырах — круглыя суткі. Таксама падчас кожнага набажэнства ў храмах Беларусі моляцца аб украінскім народзе, дадаў мітрапаліт Павел.

Як беларускія хрысьціяне адзначаць #БНР100

Каталіцкія біскупы Беларусі заклікалі маліцца 25 сакавіка за краіну і народ. Як менавіта гэта будзе адбывацца, кожны сьвятар мае вырашыць у сваёй парафіі: недзе заплянаваная асобная імша, недзе малітва за Беларусь будзе адным з заклікаў да вернікаў. Арцыбіскуп Тадэвуш Кандрусевіч адзначаў сымбалічнасьць абвяшчэньня незалежнасьці БНР 25 сакавіка, што супадае з каталіцкім сьвятам Зьвеставаньня Пана.

Камэнтаваць тут можна праз Facebook. Нам таксама можна напісаць на адрас radiosvaboda@gmail.com

XS
SM
MD
LG