8 лютага ў Менску паказалі брытанскую камэдыю «Сьмерць Сталіна». Два тыдні таму паказ гэтага фільму забаранілі ў Расеі. Свабода спыталася, што думаюць пра фільм першыя гледачы.
24 студзеня Міністэрства культуры Беларусі спачатку таксама прыпыніла продаж квіткоў — пакуль яго не паглядзяць чыноўнікі. Праз два тыдні міністэрства ўсё ж дало дазвол паказваць «Сьмерць Сталіна» ў сталіцы — нават без накіраваньня на экспэртную камісію прадухіленьня прапаганды парнаграфіі, гвалту і экстрэмізму.
У кінатэатрах сеткі Silver Screen у першы дзень паказу быў аншляг.
Замест заплянаваных раней двух дзён паказу «Сьмерць Сталіна» будзе ісьці ў сталічных кінатэатрах амаль два тыдні — з 8 па 21 лютага.
Сталінскія рэпрэсіі ў Беларусі
У Беларусі масавыя рэпрэсіі пачаліся яшчэ з прыходам да ўлады бальшавікоў — у 1917 годзе. А скончыліся, калі памёр Сталін — у 1953-м. Дасьледчыкі мяркуюць, што пад іх падпалі як мінімум 600 тысяч чалавек. Паводле іншых ацэнак гэтая лічба дасягае 1,4 мільёна. Але дакладныя лічбы не вядомыя — КДБ дагэтуль не раскрыла архівы. Беларусы лічацца трэцімі паводле колькасьці ахвяраў рэпрэсіяў у сталінскія часы.